Размер:
AAA
Цвет: CCC
Изображения Вкл.Выкл.
Обычная версия сайта
Поиск

Архіў органаў ЗАГСа

Група архіва органаў запісу актаў грамадзянскага стану

Паштовы адрас: 210015, г. Віцебск, вул. Праўды, 18
Тэлефоны: (0212) 67-91-14, 67-69-63

Рэжым працы:

панядзелак, аўторак, чацвер, пятніца - з 8.00 да 17.00, перапынак з 13.00 да 14.00,
серада - з 11.00 да 20.00, перапынак з 14.00 да 15.00.

Выхадныя дні: субота, нядзеля.

Графік прыёму зацікаўленых асоб па ажыццяўленні адміністрацыйных працэдур:

панядзелак, аўторак, чацвер, пятніца - з 8-00 да 11-00,
серада - з 16-00 да 20-00.

Структура групы   

Найменне пасады   

Прозвішча, уласнае імя, імя па бацьку 

Контактны тэлефон, нумар кабінета

  загадчык групы

Красавіна Алена Эдуардаўна

67-91-14, 67-69-63,  кабінет 4, 5

  архіварыус

Голубева Ульяна Юр'еўна

67-91-14, 67-69-63,   кабінет 4, 5



Папярэдні запіс на прыём і папярэдняе кансультаванне ажыццяўляецца па тэлефоне (0212) 67-91-14 або пры асабістым звароце ў кабінеце № 4.
 
Таксама ў групе архіва органаў загса ажыццяўляецца падрыхтоўка архіўных даведак на падставе тэлефонных заявак для наступнай выдачы іх грамадзянам пры асабістым звароце.

У адпаведнасці з Пералікам адміністрацыйных працэдур, што ажыццяўляюцца дзяржаўнымі органамі і іншымі арганізацыямі па заявах грамадзян, зацверджаным Указам Прэзідэнта Рэспублікі Беларусь ад 26 красавіка 2010 г. № 200, група архіва органаў загса ажыццяўляе наступныя адміністрацыйныя працэдуры:

  • Адміністрацыйная працэдура № 5.9. Выдача паўторнага пасведчання аб рэгістрацыі акта грамадзянскага стану.

  • Адміністрацыйная працэдура № 5.14. Выдача даведак, якія змяшчаюць звесткі з запісаў актаў грамадзянскага стану (пра запіс акта грамадзянскага стану, аб адсутнасці запісу акта аб заключэнні шлюбу), і паведамленняў аб адсутнасці запісу акта грамадзянскага стану.

Паўторныя пасведчанні аб смерці выдаюцца родным i iншым членам сям'і памерлага, апекунам, папячыцелям дзяцей нябожчыка, у тым ліку кіраўнікам дзіцячых інтэрнатных устаноў, устаноў прафесійна-тэхнічнай, сярэдняй спецыяльнай, вышэйшай адукацыі, у якіх знаходзяцца дзеці памерлага, а таксама органам апекі і папячыцельства.
Паўторныя пасведчанні аб рэгістрацыі актаў грамадзянскага стану могуць быць выдадзены па матываванаму запыту адвакацкага бюро, якое аказвае юрыдычную дапамогу фізічным і юрыдычным асобам, замежным фізічным і юрыдычным асобам, а таксама асобам без грамадзянства пры ажыццяўленні абароны іх правоў, свабод і законных інтарэсаў, уключаючы вышук нашчадкаў.

Паўторныя пасведчанні аб рэгістрацыі актаў грамадзянскага стану не выдаюцца:
аб заключэнні шлюбу - у дачыненні да шлюбу, які спынены або прызнаны несапраўдным;
аб нараджэнні дзіцяці - аднаму з бацькоў дзіцяці, у дачыненні да якога ён пазбаўлены бацькоўскіх правоў.

У архіве загса на захоўванні знаходзяцца запісы актаў аб нараджэнні, смерці, заключэнні шлюбу, ўстанаўленні бацькоўства (мацярынства), усынаўленні, змене прозвішча, уласнага імя, імя па бацьку, складзеныя на тэрыторыі Віцебскай вобласці з 1944 года па цяперашні час, часткова захаваны запісы актаў грамадзянскага стану за 1928-1929 гады і метрычныя кнігі цэркваў і касцёлаў за перыяд з 1932 па 1938 гады.
Архіўны фонд першасных запісаў актаў аб нараджэнні за перыяд да 1943 года ўключна захаваны часткова ў сувязі з падзеямі, што мелі месца падчас Вялікай Айчыннай вайны (знішчэнне дакументаў з прычыны пажару і  т.п.). Згодна з пункта 108 Палажэння аб парадку рэгістрацыі актаў грамадзянскага стану і выдачы дакументаў і (або) даведак органамi, якiя рэгiструюць акты грамадзянскага стану, зацверджанага пастановай Савета Міністраў Рэспублікі Беларусь ад 14 снежня 2005 г. № 1454 (у рэдакцыі пастановы Савета Міністраў Рэспублікі Беларусь ад 19 снежня 2006 года № 1682), праверка наяўнасці запісу акта грамадзянскага стану праводзіцца за 7 гадоў (за год, які ўказаны ў заяве, а таксама тры папярэднiя гэтаму і тры наступныя гады) па кнігах рэгістрацыі актаў гражднскага стану і метрычным кнігам населенага пункта, названага ў заяве.